Tjaldsvæðið á Húnavöllum
Húnavellir, Norðurland

Tjaldsvæðið á Húnavöllum er staðsett rétt við þjóðveg 1 í rólegu og fallegu umhverfi á Norðurlandi. Svæðið er fjölskylduvænt og umlukið náttúru og friðsæld.

Húnavellir eru einnig vinsæll staður fyrir ættarmót og aðra fjölskylduviðburði.
Ítarlegar upplýsingar má finna neðar á þessari síðu.

Húnavellir eru frábær stoppustaður fyrir þá sem eru á hringveginum eða að skoða Norðurlandið. Við hliðina á tjaldsvæðinu er gistiheimili og gestum stendur til boða sundlaug, heitir pottar og aðgengi að fallegum gönguleiðum í náttúrunni.
Blönduós er næsta bæjarfélag, í stuttri akstursfjarlægð, þar sem finna má matvöruverslanir, bensínstöðvar og veitingastaði.

Þjónusta á svæðinu
• Opið frá maí til október
• Salerni
• Sundlaug og heitir pottar (sjá verðskrá neðar í texta)
• Gönguleiðir
• Leikvöllur
• Rafmagn
• Ókeypis þráðlaust net í þjónustuhúsi
• Morgunverður í boði daglega

Lýsing á aðstöðu
Tjaldsvæðið er rúmgott og slétt grasflatarsvæði sem hentar bæði fyrir tjöld, hjólhýsi og húsbíla.

Á Húnavöllum er fjölbreytt afþreying í boði fyrir gesti á öllum aldri. Við hlið hótelsins er sundlaug og heitur pottur, sem snýr í suður og nýtur sólarinnar allan daginn. Sundlaugin er 17 metra löng og tilvalin til sundæfinga eða léttari sundleikja, en við hlið hennar er notalegur heitur pottur.

Á svæðinu er einnig góð íþróttaaðstaða, þar á meðal fótboltavöllur, sparkvöllur og skemmtilegt leiksvæði fyrir börn. Þetta gerir Húnavelli að frábærum stað fyrir bæði hvíld og leik.
Þjónustuhúsið er nýuppgert og býður upp á rúmgóð salerni og og setustofu. Á hlið hússins er uppþvottaaðstaða.
Bílaumferð er takmörkuð á svæðinu og hámarkshraði er 15 km/klst. til að tryggja öryggi allra gesta.

Reglur
1. Tjaldsvæðið er fjölskylduvænt og aldurstakmark er 20 ár nema í fylgd forráðamanns.
2. Allir gestir þurfa að skrá sig og greiða við komu.
3. Bílaumferð skal takmörkuð við að koma og fara, hámarkshraði 15 km/klst.
4. Næturró skal ríkja milli kl. 23:00 og 08:00.
5. Ólæti og ölvun eru ekki leyfð.
6. Rusl skal flokka og losa í tilheyrandi tunnur.
7. Hundar eru velkomnir en skulu vera í bandi og undir stjórn eiganda þeirra.
8. Sýnið náttúrunni, aðstöðunni og öðrum gestum virðingu.
9. Brot á reglum getur leitt til brottvísunar.

Verð – 2026

Tjaldsvæði
• Börn (0–12 ára): FRÍTT*
• Fullorðnir (13–66 ára): 2.600 kr
• Eldri borgarar (67+): 1.500 kr
• Rafmagn: 1.500 kr á sólarhring fyrir hvert farartæki
• Gistináttaskattur: 400 kr per tjald/húsbíl á nóttu

Morgunverður (borinn fram 07:00–10:00)
• Börn (1–5 ára): FRÍTT*

• Börn (6–12 ára): 1.700 kr.

• Fullorðnir (13 ára+): 3.400 kr

*Í fylgd fullorðinna

Sundlaug og heitir pottar (opið 9:00–21:00)
• Börn (0–7 ára): FRÍTT*

• Börn (8–12 ára): 750 kr.
• Unglingar (13–17 ára): 1.000 kr
• Fullorðnir (18–66 ára): 1.500 kr
• Eldri borgarar (67+): 1.000 kr
• Handklæðaleiga: 1.000 kr
*Í fylgd fullorðinna

Líkamsrækt er að finna í íþróttahúsinu og er hún innifalin fyrir sundgesti.

Veiði – Svínavatni
Með Veiðikortinu er hægt að veiða í Svínavatni, sem er aðeins steinsnar frá okkur.

ÝTIÐ HÉR TIL AÐ BÓKA!